Asteburua bete-betea izan dugu oraingoan, hiru mintegi antolatzen aritu garelako aldi berean.

Alde batetik, Psikomotrizitate Praktika Terapeutikoko ikasle ohiekin (egun, terapeutak jada), eskolan zailtasunak dituzten haurrentzako psikomotrizitate-laguntza taldeen proiektuak garatzeko mintegia egin genuen.

Halaber, Hezkuntzarako Psikomotrizitate Praktikako bigarren urteko ikasleekin, koherentzia psikopedagogikoa eskolan landu genuen.

Azkenik, beste gela batean, haurraren ekintza ulertzeko mintegia izan genuen, Hezkuntzarako Psikomotrizitate Praktikako lehenengo urteko ikasleekin.

Zuk ere psikomotrizitatean trebatu nahi baduzu, eman izena irailean Gasteizen antolatuko dugun sentsibilizazio ikastaroan. Hiru eguneko oinarrizko ikastaroa da hori, psikomotrizitatearen oinarriak ezagutzeko. Ikastaro hori egin ondoren, bi urteko formazioak egin ahal izango dituzu, psikomotrizista bilakatzeko.