Formakuntza sendoa eta zehatza duten profesionalak trebatzen jarraitzen dugu, haurren heltze-prozesuak kalitatez lagundu ahal izateko, hezkuntzaren eta terapiaren esparruetan.
Joan den ostiralean, ekainaren 14an, hezkuntzarako psikomotrizitate praktikaren 35. promozioko ziurtagiriak banatu genizkien 25 profesionali, eta psikomotrizitate praktika terapeutikoaren 9. promozioan, berriz, 14 profesionali.
Prozesuetan eta baliabide pertsonal eta profesionalen eraikuntza autonomoan oinarritutako prestakuntza-sistema baten aldeko apustua egiten jarraitzen dugu, egungo funtzionamendu sozialean nagusitzen ari den azkartasunaren eta hutsalkeriaren aurrean.
Ezin dira haurrak hezteko prozesuak behar bezala ulertu edo lagundu, haurren mundu psiko-afektibo guztia hartu, eutsi eta laguntzeko jarrerak eta gaitasuna garatzea ahalbidetzen duen prestakuntza sakonik gabe. Eta horrek denbora eta inplikazioa behar ditu.
Horregatik, Luzaron terapian trebatutako pertsonak “enplegu osatu batekin” ateratzen direla esan dezakegu. Izan ere, Euskal Herria baliabide berri eta interesgarriez hornitzen ari dira, haurren hezte- eta ikasketa-prozesuak indartzeko.
Eskerrik asko Luzaro aukeratu duzuen profesional guztioi: haurrei kalitatezko harreman- eta ikaskuntza-giroak eraikitzearen aldeko apustua egin duzue!
